Матбуот анжуманининг иккинчи қисмида мезбонлар устози иштирок этиши керак эди. Аммо Игорь Шквирин айрим сабаблар туфайли матбуот анжуманига келмади. Унинг ўрнига жамоа бошлиғи Ботир Мирзаев қатнашди.

— “Андижон” Олмалиққа очкосиз келгани бизни чўчитганди. Чунки очко олиш учун улар бор кучларини ишга солишлари аниқ эди. Йигитлар ғалаба учун астойдил ҳаракат қилишди. Бунинг устига “Андижон” дарвозабони бугун ютишимизга имкон бермади. Ғаниев “Андижон”нинг аввалги учрашувларида ҳам энг яхши ўйинчи бўлганди. Бу бежизга эмас экан. Бугун ҳам у жамоасига катта ёрдам берди. “Андижон” сўнгги поғоналарда юрган бўлса-да, жамоани чемпионат аутсайдери дея олмаймиз. Боиси мавсум энди бошланиб, 4-тур ўтди.