Reklama
Ҳар йили Android оператив тизими ихлосмандлари Google қидирув тизими орқали Nexus номи остида навбатдаги смартфон пайдо бўлишини интиқлик билан кутишади. Кўпчилик ишқибозларни куттирган русум бу сафар LG ишлаб чиқарувчисининг брэнди остида яратилди. Ўз даврида Android смартфонлари орасида энг тезкори дея ҳисобланган LG компаниясининг маҳсулоти бўлмиш ўтган галги Nexus 4 ни барчамиз яхши эслаймиз. Хўш, LG Electronics ишлаб чиқарувчиси ва Google inc. қидирув тизимининг ўзаро ҳамкорлиги бу сафар қандай мева берди? Келинг, буни кўриб чиқамиз.
Nexus 5 смартфони бугунги кунда энг тезкор 2.26ГГц частотали Qualcomm Snapdragon™ 800 мобил чиптармоқлари базаси асосида ўзида “тоза” Androidни жамлагани билан етакчи ўринни эгаллайди. Графика учун қурилмада 450МГц частотали тактда ишловчи Adreno 330 олератив дастури жавоб беради. Бундан ташқари янги Nexus 5 ажойиб сифатдаги тасвирларни олувчи асосий 8 Мегапикселли ва 1,3 Мегапикселли олди камераларига эга. LG ишлаб чиқарувчиси қурилмани тўртта: қора, оқ, сариқ ва қизил рангларда харидорларга ҳавола этади. Уларни хотирасига қараб танлаш имконияти ҳам мавжуд. Хоҳланг 32 Гбли, хоҳланг 16 Гбли хотирага эга бўлган смартфонни олишингиз мумкин.
Ташқи кўриниш ва эргономикаси
Юқорида таъкидланганидек, LG Nexus 5 тўрт хилдаги ранда чиқарилмоқда, классик: қора, оқ ва ёрқин: сариқ ва қизил. Nexus 5 нинг дизайни етарлича ғаройиб ишланган бўлиб, классик рангдагиларининг ташқи кўринишида ажралиб турадиган жиҳати – қурилманинг майин пластик билан мустаҳкам қопланган орқа тарафида ишлаб чиқарувчининг брэнди ва смартфоннинг модели ўйиб ёзилган бўлиб, уни ушлаб кўрганда кишига ёқимлилик бахш этади.
Ишланма учун фойдаланилган ялтирамайдиган материал ва бироз эгилган корпуси биргаликда смартфоннинг ташқи дизайни фойдасига ишлаган: биринчидан, у кафтингизга яхши жойлашиши туфайли қўлингизда яхши туради, иккинчидан, унинг усти қатламида бармоқ излари ва турли тамғалар қолмайди.
Nexus 5 нинг экрани 4,95 дюймли диагоналга эгалиги ва катталигига қарамасдан қурилма бирмунча ихчам ва уни қўлда тутганингизда сизга қониқиш бахш этгандек кўринади.
Дисплей ва камера
LG Nexus 5нинг экрани аъло даражада. Смартфонга 1080x1920Full HD имкониятига эга True HD IPS+ матрицаси ўрнатилган. Экраннинг кўрсатиш зичлиги дюймга - 445 пикселни ташкил этади. Дисплей ҳимояси учун Gorilla Glass 3 мустаҳкам ойнаси хизмат қилади. Қурилма дисплейининг ранги жуда ёрқин, шуълага қарши фильтр туфайли ҳатто қуёшли ёруғ кунда ҳам ҳеч бир қийинчиликсиз маълумотларни ўқиш мумкин. Тасвир бурчаклари ҳам кенг бўлиб, агар қурилма кўпроқ ўткир бурчак остида энгаштирилса ҳам ҳосил бўладиган қора ранг йўқолади.
LG Nexus 5 сифатли тасвирларни олиш имкониятини берувчи оптик технологияга эга 8 Мп камера билан жиҳозланган. Айтганча, LG Nexus 5 да «HDR+» махсус дастурий таъминоти ва IOS 7 аналогик қурилмаси ўрнатилган бўлиб, уларнинг ёрдамида смартфон камераси бир вақтнинг ўзида юқори сифатли тоза тасвирларни чиқариш имконига эга бўлган бир неча кадрларни тушира олади. Олди камера эса 1.3 МПга тенг.
Ишлаб чиқариш ва аккумулятор
LG Nexus 5 энг тезкор Qualcomm Snapdragon 800 процессори билан жиҳозлангани боис, у мураккаб амаллар бажарилишини кафолатловчи 2.26 ГГц частотага эга 4 ядерли MSM8974, шунингдек видеолар учун 450 МГц частотага эга замонавий қулай Adreno 330 оператив дастурий таъминотига эга.
Оператив хотира ҳам етарлича – бор-йўғи 2Гб. Қурилманинг бундай мустаҳкам ишлаб чиқарилишини тавсифлашга гап йўқ. Ҳар қандай иловалар жумладан: энг замонавий ўйинларни ўйнаётганингизда ҳам қурилма жуда тез ишлайди. Смартфон турли ўйинлар видео ва фотосуратлар учун мўлжалланган 32 Гб ёки 16 Гб хотираги эга бўлиши мумкин (афсуски, унда қўшимча хотира картаси учун тирқиш очилмаган).
Nexus 5нинг тез сарфланмайдиган аккумуляторлари замонавий андроид-смартфонлар учун етарлича бўлган 2300 мАс сиғимга эга. Фаол ҳолатда фойдаланилганда аккумулятор қуввати бир суткага етади. Мабодо ўйин ёки видетомошаларига чин дилдан берилиб кетсангиз, у ҳолда қувватлантириш зарур бўлади. Айтганча, Nexus 5 ларда кабелсиз қувватлантириш имконияти ҳам мавжуд. Афсуски у смартфон жамламига кирмагани учун уни алоҳида сотиб олишингизга тўғри келади.
2013 йилда пайдо бўлган Nexus 5 энг зўр қурилмалардан бири деган номга сазовор бўлган. Ҳақиқатдан ҳам унда ҳамма нарса мавжуд ва доимий равишда янгиланиб борувчи Nexusлар учун янги AndroidKitKat оператив тизими жуда мос тушган. Аппаратни бошқалари билан таққослаганда ютуқлари бисёр. Унинг бозордаги асосий рақобатчилари LG G2, HTC One, Meizu MX3, Samsung GALAXY S4 ва бошқа моделлар ҳисобланса-да, бироқ уларнинг ҳеч бирида кўп жойни эгалловчи ва умуман йўқотиб бўлмайдиган иловалар тартиби ва турли қобиқлардан ҳоли бўлган “тоза” Android йўқ. Умуман олганда, кимга қандай билмадигу, бизга ушбу смартфон жуда ёқиб қолди ва ундан ажралишни умуман хоҳламаймиз. Харид қилиш учун уни сизга ҳам тавсия қиламиз.
