«Манчестер Сити» академияси тарбияланувчиси, айни вақтда «Ливерпуль»да ҳаракат қилаётган Англия терма жамоаси ҳужумчиси Дэниэль Старридж «Сити»да ўйнаб кетиш қийин эканини таъкидлади.
«Манчестер Сити»да менга жуда қийин бўлганди. Чунки у ерда 18-19 ёшдаёқ ўйнаб кетиш осон эмас. Жамоа ўз академиясида ўйнаган йигитлардан фойдаланмайди. Мен фақат Мика Ричардсни биламан. У ерда пулнинг ўрни жуда катта. Барча футболчилар сотиб олинади.
Мен «Сити»дан кетиб тўғри қилдим, деб ўйлайман. «Челси»да эса Дрогбадан кўп нарса ўргандим, лекин у ерда менга марказий ҳужумчи деб қарашмади. Менинг вингер эканимга ишонтиришди.
Яратганга шукурки, У менга шундай кунларни берди. «Ливерпуль»да бахтлиман. Доим майдонга тушиш ёқимли»,- дейди Дэни.