"Реал" ҳимоячиси Пепе Испания кубоги финалида "Барселона" билан ўйин олдидан фикрлари билан ўртоқлашди.
"Барса" билан охирги учрашувда ғалабага лойиқ ўйин кўрсатган эдик. Бу сафар ҳам шунга ҳаракат қиламиз, мухлисларимиз ҳам бизни қўллаб-қувватлайдилар дне умид қиламан. Бундай ўйинда фаворитлар бўлмайди, жамоаларнинг кучи мутлақо тенг.
Роналдунинг ҳолати? Унинг кайфияти жуда яхши ва соппа-соғ. Асосийси финалгача жисмоний ҳолатини тикласа бас. У "Барса"га қарши ўйнайдими, йўқми, буни мен ҳал қилмайман.
"Барселона"нинг "Гранада"дан мағлуб бўлгани мени ҳайрон қолдирди. Биз ҳар бир ўйинда ғалаба қозониш қанчалик қийин эканини яхши биламиз. "Гранада" бу ўйинга бир ҳафта тайёрланган, "Барса" эса ҳафта ўртасида Чемпионлар лигасида ўйин ўтказди. "Барса" - ажойиб жамоа, аммо мени "Реал"нинг ҳолати қизиқтиради", - дейди Пепе.
