"Ливерпуль" сардори Стивен Жеррард жамоадошларини ҳамма рақибларга жиддий муносабатда бўлишга чақирди. Яримҳимоянинг фикрича, энди "қизилларни" Англия чемпионатида ғолиб чиқишгина қизиқтиради.
"Биз "Норвич"га қарши ўйинга 2005 йилда "Милан"га қарши чемпионлар лигаси финалига тайёрлангандай тайёрланамиз. Бу футбол. Олдингизда қандай рақиб турганини ўйламаслик керак, ҳар бир рақиб хавфли.
Биз мунтазам яхши натижага эришяпмиз, аамо бу ҳеч нарсага кафолат бера олмайди. Биз елкамизга қоқиб, мақтов ёғдиришларини эмас, қилган меҳнатимиз натижаси - соврин олишни истаймиз. Кетма-кет ғалабага қозонсангу, охирида бир мағлубиятга учраб ҳеч нарсасиз қолиш ҳеч гап эмас. Унда ғалабаларинг ҳақида ҳеч ким эсламайди. Ҳамманинг ёдида қолишнинг битта йўли - соврин", - дейди Жеррард.
