"Ливерпуль" ҳужумчиси Луис Суареснинг фикрича, "қизиллар"нинг премьер-лигада ғолиб чиқиши жамоа сардори Стивен Жеррардни жаҳоннинг энг яхши ўйинчиси бўлишига олиб келар экан.
33 ёшли Жеррард Чемпионлар лигасида ғолиб бўлган, аммо премьер-лигада чемпион бўлмаган.
"Стивен -дунёнинг энг яхши яримҳимоячиларидан бири. У премьер-лигада ғолиб чиқса - дунёнинг энг яхшиси бўлади. У совринни кўп йил кутди. У премьер-лига чемпионлигидан қийинроқ бўлган Чемпионлар лигасида ғолиб бўлган, энди унга ажойиб имконият туғилди. У бу мавсум ажойиб ўйин кўрсатди", - дейди Суарес.