"Бавария" ҳимоячиси Филипп Лам ЕЧЛ яримфиналида "Реал"га қарши ўйин олдидан фикрлари билан ўртоқлашди.
"Ҳалқаро савиядаги икки буюк клуб ўзаро ўйнайди, кимда истак кучли бўлса ўша ғалаба қозонади. Бундай учрашувларнинг тақдирини иштиёқ ва руҳий тайёргарлик ҳал қилади.
Дуранг бизни қониқтирмайди, аммо кучимиздан келиб чиқиб фикрлаш керак. Биз бундеслигада ғолиб бўлдик, аммо иштиёқимиз сўнгани йўқ ва навбатдаги мақсадимиз - Чемпионлар лигаси. Эришиш қийин бўлса-да, биз бу ерга ғалаба учун келдик", - дейди Лам.