"Реал" посбони Икер Касильяс ЕЧЛ яримфинали дастлабки учрашувида "Бавария" устидан қозонилган ғалабадан хурсанд эканлигини билдирди (1:0).
"Биз бу ҳисобдан қониқишимиз мумкин, аммо бу жавоб учрашувида якуний ғалабани кафолатлай олмайди. "Реал" финалга чиқди деб ҳисобласак хато қилган бўламиз. Шунинг учун Мюнҳенда бўладиган воқеаларга тайёр бўлишимиз керак.
Ўйинга келсак, "Бавария" тўп билан кўпроқ муомала қилди, аммо биз кўпроқ вазиятлар яратдик. Гол ўтказиб юбормаганимиз яхши бўлди, лекин бизга Мюнҳенда жуда қийин бўлади", - дейди Касильяс.