Мухлисларни хабари бор эртага “Насаф” жамоаси ўз майдонида –“Марказий» стадионда Бекободнинг “Металлург” жамоасини қабул қилади. Бугун сайтимиз ходимлари “Марказий”да жамоанинг ўйин олди машғулотини кузатишга муваффақ бўлди, дея хабар беради voha.uz

Биз машғулотларни кузата туриб майдонда ёш бўлсада аллақачон мухлисларнинг қалбидан чуқур жой эгаллаган ўйинчи Шохруҳ Гадоевни тўп билан мустақил машғулотлар ўтказаётганини гувоҳи бўлдик. Бу ҳолатни кўриб тўғрииси хурсандчилгимизни дарҳол Сиз футбол ишқибозлари билан баҳам кўришга шошилдик.

Ҳа, демак Шохруҳ Гадоев узоқ даволанишдан сўнг дастлабки якка машғулотларни бошлади. Унинг майдонда яна жавлон уришига оз муддат қолди. Биз Шохруҳни тезроқ тикланиб олиб, чиройли ўйинларини кўришни орзиқиб кутиб қоламиз.

Шунингдек жароҳатлари туфайли мавсум бошидан бўён майдонда кўринмай қолган ҳужумчи Игорь Таранни ҳам машғулотлар ўтказаётганини кузатдик. Ушбу ҳужумчининг ҳам кейинги турларда майдонда кўрсак ажаб эмас.