Мадриднинг «Реал» клуби ярим ҳимоячиси Гарет Бэйл чемпионлар лигаси ярим финалидан ўрин олган «Бавария»га қарши ўйин ҳақида фикр билдирди.
«Ўзимни жуда яхши ҳис қилмоқдаман. Бор кучим билан ҳаракат қилишга тайёрман. Ўзимизни финалда деб ҳис қилаётганимиз йўқ. Эртага жуда қийин ўйин кутиб турибди.
Алаба? У билан яхшигина рақобат бўлишига ишонаман. У жуда яхши футболчи. Биз Испания кубогида ғалаба қозонишни хоҳлаган эдик ва ғалаба қозондик. Чемпионлар лигасини ҳам ютишни хоҳлаймиз. «Бавария»га қарши ҳисобни сақлаб қолиш учун ўйнамаймиз. «Реал» ҳимояга ётиб оладиган жамоа эмас»,- дейди Бэйл.













