Бугун «Ювентус» ярим ҳимоячиси Пол Погбанинг агенти Мино Райола клуб раҳбарияти билан учрашади. Бу ҳақда goal.com хабар бермоқда.
Манбада айтилишича, учрашув Погбанинг янги шартномаси борасида кечади. Футболчи жаҳон чемпионатидан кейин «Ювентус» билан шартномасини узайтиради.
Погбанинг айни вақтдаги шартномаси 2017 йилга қадар амал қилади ва йилига 1,5 миллион евро олади. Янги келишувга кўра футболчининг маоши уч баробарга кўпаяди. Эслатиб ўтамиз, Франция терма жамоасининг 21 ёшли футболчисига «Реал» ҳамда «ПСЖ» жамоалари қизиқиш билдирмоқда.
