"Анжи"нинг собиқ яримҳимоячиси Олег Шатов Россия термаси ва "Анжи" клубини бошқарган Гус Хиддинк ҳақида фикрлар билдирди.
Эслатиб ўтамиз, Шатов ҳозирда Санкт-Петербургнинг "Зенит" клубида тўп сурмоқда.
"Гус "Анжи"да ўзига ўхшамаган эди? Бу жуда катта хато фикр. Хиддинкнинг қандай иш олиб борганини билиш учун жамоанинг ичида бўлиш керак. У машғулотларда футболчилар билан бирга "квадрат" ўйнар эди. Менга унинг футболчиларга ишониши, ётиш вақтидан сўнг ўйинчиларни текшириб юрмаслиги ёқар эди.
Такрорлайман, бу хато фикр. Бир мисол келтираман. Биз Европа лигасида "Витесс" билан ўйнаётган эдик. Биринчи бўлимда ўйинимиз ўхшамади. Танаффусда "нега қиз болага ўхшаб ўйнаяпсан?" деб, қўшимчасига эркакларга хос сўзларни ишлатгани эсимда. Бу гапларни бизга сўзма-сўз таржима қилиб беришди ва иккинчи бўлида Хиддинк ўз жамоасида эркаклар ўйнаётганига шубҳаси қолмади. Мен бу ўйинда яхши гол урган эдим", - дейди Шатов.
