"Манчестер Сити" ҳужумчиси Серхио Агуэро жароҳатидан тўлиқ қутилмаганига қарамай, Англия чемпионатининг 38-турида "Вест Ҳэм"га қарши ўйинда майдонга тушмоқчи.
"Ўзимни яхши ҳис қиляпман. Ҳозирча 100 фоиз эмас, аммо якшанба кунгача тўлиқ тайёр бўламан. Тайёр бўлмасам ҳам, ўша кунги ҳис-туйғулар, атрофимдагиларнинг хоҳишлари остида оғриқни унутаман.
Бу ажойиб вазият бўлади. Жуда ҳам ўйнагим келяпти - ўйинни сабрсизлик билан кутяпман. Йил давомида қаттиқ меҳнат қиласан ва чемпионликни бир ўйинда ҳал қилишинг - бу жуда зўр. майдонга тушишни жуда хоҳлаяпман", - дейди Агуэро.
