Англия терма жамоасининг собиқ ҳимоячиси Сол Кэмпбеллнинг фикрича "уч шер"ларга Бразилияда ўтадиган жаҳон чемпионатида тажриба етишмай қолиши мумкин.
"Шахсан мен, жамоада жуда ёш бўлган ўйинчилар керагидан ортиқча деб ҳисоблайман. Албатта, жамоада ёш ўйинчиларнинг бўлгани яхши, улар ҳам катта мусобақалар нима эканлигини ҳис қилишлари керак, чунки босим жуда кучли бўлади.
Биринчи ўйиндан ҳамма хурсанд бўлади, аммо кейинги ҳар ўйиндан сўнг босим кучяверади. Бунга чидаш учун ўзгача бола бўлиш лозим. Бунинг устига ёнингда ҳамма нарсани гарданига олувчи катта ёшдагилар бўлгани яхши", - дейди Кэмпбелл.