Тошкентда 16-17 май кунлари болалар ва оммавий футбол кунига бағишланган футбол фестивали бўлиб ўтди.
16 май, жума куни Ўзбекистон Футбол Федерацияси сунъий қопламали майдонида 2006-2007 йилларда туғилган ўғил болалар ва 2000-2002 йилларда туғилган қизлар ўртасида ОФК футбол фестивали старт олди.
Ушбу фестивалда "Локомотив" футбол мактабининг 2006 ва 2007 йилларда таваллуд топган болалари ҳам муносиб иштирок этди.
Бир неча кун аввал хотира турнирида совриндорга айланган 2006 йилда туғилган "Локомотив" футболчи болалари ушбу фестивалда барча рақибларидан устун келди ва турнир ғолиби бўлиб, бош совринни қўлга киритди!
2007 йилда таваллуд топганлар ўртасидаги мусобақада эса "Локомотив" болалари совринли учинчи ўринни эгаллади.
Ушбу мусобақага болаларни "Локомотив" футбол мактаби мураббийлари Сайдулло Турсунов ҳамда Суннат Рўзиевлар тайёрлади. Шунингдек, болалар ва ўсмирлар мактаби мудири Эркин Саидовнинг ҳам ушбу ғалабаларда муҳим ўрни бор эканини алоҳида таъкидлаш лозим.
