«Атлетико»да ижара асосида ўйнаётган «Челси» дарвозабони Тибо Куртуа Лондонга қайтиши мумкинлиги ҳақидаги хабарларга изоҳ билдирди.
«Петр Чехни жуда ҳурмат қиламан. У дунёнинг энг яхши дарвозабонларидан бири, шунинг учун бизнинг битта жамоада бўлишимиз унчалик яхши эмас деб ўйлайман.
Иккимиз ҳам доим ўйнашни хоҳлаймиз. Ҳеч ким Англия кубоги ёки лига кубогида ўйнаш билан қаноатланишни хоҳламайди. Шу масалада келаси ҳафтада «Челси» билан гаплашиб оламиз. Улар нима хоҳлашяпти, мен нима хоҳлаяпман, шуларни гаплашиб оламиз»,- дейди дарвозабон.













