Англия терма жамоаси ҳужумчиси Уэйн Руни жаҳон чемпионатига тайёр эканини таъкидлади.
«Мен жуда яхши спорт формасидаман ва бутун дунёга нимага қодир эканимни кўрсатишни хоҳлайман. Жамоа узоққа боришига ишонаман. Бизнинг мақсадимиз аниқ - чемпион бўлиш.
Ҳа, кўп мусобақада қатнашдим ва авваллари ҳам ўзимни кўрсатишга ҳаракат қилдим, лекин ўхшамаган. Менимча, ҳозир ўз имкониятларимни кўрсатадиган вақт келди. Ҳеч қачон ҳозиргидай яхши ҳолатда бўлмаганман.
Бизнинг жамоа жуда ажойиб. Бизда ёш, тезкор футболчилар йиғилган. Улар билан ўйнашдан мамнунман. Ҳеч қачон бундай жамоамиз бўлмаган. Ишончим комилки, биз яхши ўйин кўрсатамиз»,- дейди Руни.