Мадриднинг «Реал» клуби ҳужумчиси Криштиану Роналду бугун «Атлетико»га қарши кечажак чемпионлар лигаси финалида ўйнайди. Футболчи «Реал» чемпион бўладиган бўлса, жамоанинг ҳар бир шифокори ва физиотерапевтига биттадан машина олиб беришини таъкидлади.
Тhе Sun нашрининг хабар беришича, Роналдунинг дўстларидан бири ҳужумчининг физиотерапевти билан чатда гаплашаётганини кўрган. Шифокор: «Агар чемпионлар лигасида ғалаба қозонсак, мукофотни биз билан баҳам кўрасан»,- деб ёзган. Роналду эса: «Яхши. Агар ғалаба қозонсак, ҳар бирингизга биттадан машина олиб бераман»,- деб жавоб берган.
Эслатиб ўтамиз, чемпионлар лигасининг финал баҳси Тошкент вақти билан 23:45да бошланади ва сайтимизда онлайн трансляция қилинади.
