«Реал» ҳимоячиси Серхио Рамос чемпионлар лигаси финалидаги охирги дақиқаларда урган голи ҳақида фикр билдирди.
«Ғалаба қозониш жуда ёқимли. Биз охиригача курашдик. Охирги дақиқада киритилган гол нафақат менинг, балки бутун мухлисларнинг хизмати. Улар бутун ўйин давомида бизни қўллаб-қувватлашди ва якунда ғалабани тотишди.
Шунча йилдан кейин мухлислар билан ғалабани баҳам кўриш жуда ажойиб. Танамдаги ҳиссиётларни ифодалай олмайман. Бугун биз тарих яратдик. Ҳақли равишда Испания чемпиони бўлган «Атлетико»ни мағлуб этдик»,- дейди Рамос.