"Бавария" яримҳимоячиси Арьен Роббен ўзининг "Манчестер Юнайтед" клубига ўтиши мумкинлиги ҳақидаги хабарларни инкор қилди, дея хабар беради Sport1.de.
Бу каби миш-мишлар янги мавсумдан бошлаб "МЮ"ни голланд мутахассиси Луи ван Гал бошқариши аниқ бўлганидан кейин тарқалган эди.
"Менинг "Манчестер Юнайтед" сафига ўтишим ҳақидаги гаплар ёлғон. Мен "Бавария"да қоламан ва нуқта. "Бавария" нима учун мен билан хайрлашиши керак, тушунмайман. Ўртада шартнома амалда, икки томон ҳам рози. Албатта, ўзинг норози бўлсанг - бу бошқа гап", - дейди Роббен.













