«Боруссий Д» дарвозабони Роман Вайденфеллер жаҳон чемпионатида Мануэль Нойернинг ўрнини босишга тайёр эканини таъкидлади.
«Мануэль жаҳон чемпионатигача тикланишига ишонаман, лекин агар улгурмаса, унинг ўрнини эгаллашга тайёрман. Ўзимнинг ҳам елкамда жароҳатим бор эди. Бу ҳақда Мануэль билан гаплашдик.
Дарвозабон ҳар қандай вазиятда елкаси билан ҳаракатланади, шунинг учун бундай жароҳатлар биз учун жуда ёқимсиз. Яхшиямки, ҳозирда тиббиёт кўп нарсага қодир.
Менинг терма жамоада эканим жуда ёқимли. Фаолиятимнинг энг эсда қоларли дамлари десам ҳам бўлади. Бунинг устига биз жаҳон чемпионатига одамлар футбол учун ақлдан озадиган Бразилияга боряпмиз»,- дейди дарвозабон.
