Глобал спорт маркетингига ихтисослашган Repucom агентлигиниг аниқлашича, Криштиану Роналду жаҳоннинг энг таниқли футболчиси экан.
Дунё аҳолисининг 83,9 фоизи Португалия терма жамоаси сардорини танир экан. Италия, Германия, Испания, Туркия ва Аргентинада бу кўрсаткич 95 фоизни ташкил қилади.
Иккинчи ўринда энг кўп ҳақ оладиган (27, 5 млн евро) футболчи Месси турибди.
Учинчи ўринда "Барселона" ҳимоячиси Жерар Пике. Уни дунё аҳолисининг 58 фоизи танийди. Унинг Испаниядаги кўрсаткичи 97 фоизни ташкил этади.
Шунингдек, ҳамма танийдиган футболчилар орасида Фернандо Торрес, Неймар, Уэйн Руни ва Златан Иброҳимовичлар жой олган.
