Хави "Барселона"ни тарк этгач, бир ярим йилдан буён ишсиз юрибди. Таниқли журналист Хави Мигелнинг фикрича, Хави ёзда "Аякс"ни бошқариши мумкин.
"Йорди Кройффнинг "Аякс" спорт директори этиб тайинланиши билан Хавига ёзда янги вариант очилади," - деб ёзди журналист ижтимоий тармоқда.
Хабарингиз бор, "Аякс" мавсумни ёмон ўтказмоқда ва ҳозирда Нидерландия чемпионати турнир жадвалида атиги учинчи ўринни эгаллаб турибди. Амстердамликлар пешқадам ПСВдан 18 очко ортда қолмоқда.
"Аякс" навбатдаги ўйинини 20 январь, сешанба куни Чемпионлар лигаси доирасида "Вильярреал"га қарши ўтказади.
