Португалия терма жамоасининг бош мураббийи Паулу Бенту жамоа ҳужумчиси Криштиану Роналдунинг соғлиги ҳақида фикр билдирди.
"Ҳозир энг муҳими - Роналдуниг соғлиги. Келинг, уни тинч қўйиб турамиз. ФИФА қоидасига кўра, агар ўйинчи жароҳат олган бўлса, 15 июнгача унинг ўрнига бошқа футболчини заявка қилиш мумкин. 15 июндан сўнг бунинг иложи бўлмайди", - дейди Бенту.
El Pais нашри хабарига кўра, футболчига тизза ости пайлари ялиғланиши ташхиси қўйилган. Агар Роналду икки ҳафта ичида тикланмаса, унинг ўрнига бошқа футболчи жаҳон чемпионатида қатнашиши мумкин.
