Мадриднинг «Реал» клуби ҳимоячиси Серхио Рамос шубҳасиз, фаолиятидаги энг яхши мавсумни ўтказди. Унинг бош билан урган голлари жамоасини чемпионлар лигаси финалига олиб чиқди ва кейинчалик яна бош билан гол уриб ўнинчи кубок учун хизмат қилди. Уни она шаҳри бўлган Севильяда ҳам жуда қаттиқ ҳурмат қилишади.
Кеча Севильядаги Лопе де Вега Театрида шаҳар раҳбари Хуан Игнасио Зоидо Рамосга спорт ва маданият сохасидаги хизматлари учун махсус фахрий орден топширди. Унга шаҳар шаънини дунёга танитгани учун миннатдорчилик билдирилди.
«Мен ким эканимни ва қаердан эканимни ҳеч қачон унутмайман. Бу мен шараф»,- дейди футболчи.
Рамос жорий мавсум ҳақида қуйидагиларни қўшимча қилди: «Бу йил мен учун катта тажриба мактаби бўлди. Ажойиб йил бўлди десам ҳам бўлади. Мен ота бўлдим ва чемпионлар лигасида ғалаба қозондик. Бугунги соврин торт устидаги олча бўлди. Жуда бахтлиман».
