Қозоғистоннинг Тараз вилоятида спорт устаси Антон Шох хотирасига бағишлаб ўтказилган халқаро турнир ниҳоясига етди. Отабек Ғуломхўжаев бошчилигидаги “Бунёдкор” футбол мактабининг 2000 йилда таваллуд топган жамоаси финалда мезбонлар, Таразнинг “Монтажник” клубини 1:0 ҳисобида енгди ва бош совринни қўлга киритди.

Шуниси қувончлики, шахсий совринларнинг ҳам кўпчилиги ёш “қалдирғочлар”га насиб этди. “Энг яхши дарвозабон” соврини Жасур Умрзоқовга, “Энг яхши ҳимоячи” – Ихтиёр Холдоровга, “Энг яхши тўпурар” Абдунозир Абдураҳмоновга топширилди. Абдунозир турнирда 7 бор рақиблар дарвозасини ишғол қилишга муваффақ бўлди.

Мусобақанинг сўнгги кунида қуйидаги натижалар қайд этилди ва барча ўрин соҳиблари маълум бўлди:

7-ўрин учун: “Спарта” (Томск) – 5-БЎСМ (Тараз) – 6:2.
5-ўрин учун: Тошкент терма жамоаси – “Абдиш-Ота” (Кант) – 2:1.
3-ўрин учун: “Ротор” (Волгоград) – “Урал” (Екатеринбург) – 6:0.
Финал: “Бунёдкор” (Тошкент) – “Монтажник” (Тараз) – 1:0.

Ўсмирларимиз ва уларнинг ота-оналарини ажойиб муваффақият билан муборакбод этамиз.