Коста-Рика терма жамоаси яримҳимоячиси Кристиан Боланьос ЖЧ-2014 гуруҳ босқичида Италия устидан қозонилган ғалабадан (1:0) сўнг ҳаяжонларини баҳам кўрди.
Италия термаси ҳужумчиси Марио Балотелли ўйиндан олдин костарикалик футболчиларнинг номларини билмаслигини айтган эди.
"Энди Балотелли бизнинг номларимизни эслаб қоладиган бўлди. Бу ғалаба ажойиб бўлди. Мен ҳар доим Балотеллининг ўйинига қойил қолиб келганман. У ўйиндан аввал бизнинг ўйинчиларимизни танимаслигини айтган эди, энди эса, бизнинг бир нечта бўлса ҳам ўйинчиларимизнинг номини эслаб қолса керак.
Биз бир неча бор жаҳон чемпиони бўлиб, тарих яратган терма жамоани ютдик. Биз улардан ҳеч қачон қўрқмаганмиз.
Ўзимизни Бразилияда ўз ўйимиздагидек сезяпмиз.Ҳеч ким Коста-Риканинг қаерда жойлашганини билмас эди, энди биладилар", - дейди Боланьос.
