Бугун Ўзбекистон Биринчилигининг 19-тур учрашувлари бўлиб ўтди. «Оқ-тепа» мазкур турда сафарда “Хотира-79” меҳмони бўлиб, иродали ғалабага эришди.

Ҳисоб майдон эгалари томонидан очилди. Тажрибали Мақсуд Ҳайитов 10-дақиқадаёқ Омонов дарвозасини нишонга олди. Ўтказиб юборилган гол тошкентлик футболчиларнинг руҳиятига ижобий таъсир қилди ва танаффусга қадар “Хотира-79” дарвозаси уч бор ишғол этилди. Дастлаб Никита Павленко дублга эришган бўлса, бўлим охирида Нодир Тешабоев ҳисобни 1:3 кўринишига олиб келди.

Танаффусдан мезбонлар вазиятни ўнглаш мақсадида ҳужумкорликни оширишди, аммо тўп яна “Хотира-79” дарвозасидан жой олди. Бу сафар захирадан майдонга тушган Собир Усмонхўжаев ўзини кўрсатди ва ҳисобни йирик кўринишга келтириб қўйди – 1:4.

Беллашувнинг қолган дақиқаларидан ҳисоб бошқа ўзгаргани йўқ. Натижада «Оқ-тепа» кетма-кет уч ўйин давом этган омадсизликдан сўнг ғалаба нашидасини сурди.

Ўзбекистон Биринчилиги. 19-тур
“ХОТИРА-79” – “ОҚ-ТЕПА” – 1:4 (1:3)
3 июнь. Уйчи. “Пахтакор” стадиони.
Бош ҳакам: Темур Тўхтасинов (Андижон).
Қанот ҳакамлари: Зиёдулла Абдураҳмонов (Андижон), Ҳаётбек Зулунов (Андижон).
Назоратчи: Игорь Мустафин (Тошкент).
“Хотира-79”: Лочин Долимов, Омил Мўминов, Баҳром Йўлдошев, Мақсуд Ҳайитов, Жавлонбек Холмирзаев, Исломбек Исоқжонов, Анваржон Сиддиқов, Давронбек Хусанов, Шуҳрат Ҳамидов, Мирзоҳид Собиров, Хусан Ғаниев.
Захирадагилар: Илҳомжон Жўраев, Ғуломжон Отавалиев, Муҳаммаджон Нуриддинов, Муҳаммадсодиқ Дадахонов, Абдурауф Ҳожиқўзиев, Абдулазиз Юсупов.
“Оқ-тепа”: Асилбек Омонов, Нодир Тешабоев, Дониёр Усмонов, Никита Свиридов, Илдар Магдеев, Хуршид Йўлдошев Набижонович, Маъруф Аҳмаджонов (Хуршид Йўлдошев Хуррамович, 70), Зафар Қорақулов (Собир Усмонхўжаев, 60), Никита Павленко, Умиджон Зайниддинов (Саиджон Топилов, 80), Сергей Прохоров.
Голлар: Мақсуд Ҳайитов, 10 – 0:1. Никита Павленко, 25 - 1:1. Никита Павленко, 35 - 1:2. Нодир Тешабоев, 44 – 1:3. Собир Усмонхўжаев, 65 – 1:4.