Голландия терма жамоасининг дарвозабони ЖЧ-2014 чорак финалида Коста-Рикага қарши ўйинда ўзининг ҳулқи учун кечирим сўради.
Алмаштирилишдан жаҳли чиққан Силессен сув идишни тепган ва барчага норози эканлигини билдирган эди. Кейинроқ маълум бўлишича, иккинчи посбон Крул майдонга тушишини олдиндан билган, Силессен эса бундай режадан бехабар бўлган.
"Ўйиндан сўнг дарҳол Франк Хукдан (дарвозабонлар мураббийи) кечирим сўрадим ва бошқалардан ҳам узр сўрайман. Биз бир вазифани бажаряпмиз, бу тўғри алмаштириш эди. Тим шунчаки фантастик ишни бажарди", - дейди Силессен.
