Бокс бўйича Ўзбекистон ёшлар терма жамоаси жорий йилнинг 9-14 июль кунлари Сербиянинг Суботика шаҳрида ўтказиладиган анъанавий ҳалқаро турнирда иштирок этади.

Сербияга йўл олган терма жамоамиз таркибидан шу йилнинг 16-28 август кунлари Нанкин шаҳри (Хитой)да ўтказиладиган ўсмирлар Олимпиада ўйинларида Ватанимиз шарафини ҳимоя қиладиган уч нафар спортчимиз – Сулаймон Латипов, Бектемир Мелиқўзиев ва Козимбек Мардонов ҳам ўрин олишди ва мазкур халқаро турнир улар учун Олимпиада ўйинлари олдидан ўзига хос тайёргарлик босқичи вазифасини ҳам ўтаб беради.

Қуйида Сербияга жўнаб кетган Ўзбекистон терма жамоаси таркиби берилган:

Ҳасан Бахтиёрбеков (оғирлик вазни -49 кг),
Сулаймон Латипов (-52 кг),
Абдулхай Шораҳматов (-56 кг),
Бобурмирзо Толипов (-60 кг),
Иқболжон Холдоров (-64 кг),
Маҳмуд Ғоипов (-69 кг),
Бектемир Мелиқўзиев (-75 кг),
Козимбек Мардонов (-75 кг),
Тимур Салихов (-75 кг),
Обиджон Тоҳиров (-81 кг),
Раҳматулло Ғофуров (+91 кг).

Жамоа катта мураббийи Марат Қурбонов, жамоа мураббийи эса Баҳодир Эркаев. Мазкур халқаро турнирда фаолият кўрсатадиган ҳакамлар сафидан, шунингдек, ҳамюртимиз Раҳматхон Тиллаев ҳам ўрин олди.