Шу кунларда 1995 йил ва ундан кейин таваллуд топган футболчилардан иборат Ўзбекистон ёшлар терма жамоаси Венгрияда йиғин ўтказишмоқда.

Равшан Ҳайдаров бош мураббийлик қилаётган ёшларимиз кеча Венгрия терма жамоаси билан ўртоқлик учрашувида куч синашишди ва 2:1 ҳисобида зафар қучишди. Термамизнинг ҳар иккала голига “Бунёдкор” аъзоси Забихилло Ўринбоев муаллифлик қилди.

Венгрияликларга қарши баҳсда “Бунёдкор” ФКдан терма жамоага чақирилган башча беш нафар футболчи – Акрамжон Комилов, Достонбек Ҳамдамов, Сардор Азимов, Миржамол Қосимов ва Забихилло Ўринбоев ҳаракат қилишди.

Вакилларимиз 11 июль куни яна Венгрия ёшлар терма жамоаси билан иккинчи назорат учрашувини ўтказишади.
Қайд этиш жоизки, 1995 ва ундан кейинги йилларда туғилан Ўзбекистон U-19 ёшлар терма жамоаси шу йилнинг октябрь ойида Мьянмада бўлиб ўтадиган Осиё Чемпионати финал босқичида иштирок этади.

Ўртоқлик учрашуви.
Венгрия, Будапешт.
Венгрия U-19 - Ўзбекистон U-19 1:2
Голлар: Забиҳилло Ўринбоев (16, 67)
Ўзбекистон: Дилшод Ҳамроев, Достон Турсунов, Рустам Ашурматов, Акром Комилов, Одил Ҳамробеков, Жавоҳир Соҳибов, Жамшид Болтабоев, Отабек Шукуров, Забиҳилло Ўринбоев, Достон Ҳамдамов, Элдор Шомуродов.