Лондоннинг "Арсенал" клуби "Барселона"дан Алексис Санчесни ўз сафига қўшиб олганлиги ҳақида хабар берган эдик. Ушбу трансфер ҳақида футболчининг ўзи қуйидагиларни айтиб ўтди.
"Мен буюк мураббийига, фантастик футболчилардан иборат таркибига, бутун дунёда кўплаб мухлисларига ва Лондонда ўзининг ажойиб стадионига эга жамоага қўшилганимдан бахтиёрман. Янги жамоадошларим билан тезроқ учрашишни, "Арсенал" таркибида Англия Премьер Лигаси ва Чемпионлар лигасида ўйнашни интизорлик билан кутяпман. "Арсенал" сафида энг яхши ўйинимни намойиш этишга ва мухлилсарни хурсанд қилишга ҳаракат қиламан".