"Реал" ва Португалия терма жамоаси ҳужумчиси Криштиану Роналдунинг онаси Долереш Авейрунинг автобиографик китоби бугун сотувга чиқди.
Ушбу китоб бобларининг бирида у тан олиб ёзишича, Криштиануга ҳомиладор пайтида у аборт (ҳомила олдириб ташлаш) қилмоқчи бўлган экан.
Авейрунинг шифокори абортни амалга оширишдан бош тортган. Шундан сўнг она уй шароитида болани туширишга ҳаракат қилган, аммо у ўз мақсадига ета олмаган. Натижада Долереш ўз ҳомиласини қолдиришга мажбур бўлган.
«Агар Худо фарзанднинг дунёга келишини истаса, шундай бўлади», – дейилади Авейру китобида.