Марко Ройс Бундеслигадаги сўнгги ўйинда "Боруссия" учун 2 очкони қўлга киритди.
Дортмунд клуби Германия чемпионатининг 34-турида “Дармштадт”ни қабул қилди ва 4:0 ҳисобида ғалаба қозонди.
30-дақиқада сардорлик боғичини тақиб майдонга тушган Ройс ҳисобни очган Ян Матсенга ассистентлик қилди.
38-дақиқада Марко ўзи гол урди - у жарима зарбасини голга айлантирди.
"Боруссия" мухлислари "Сигнал Идуна Парк"да "Раҳмат, Марко!" деган баннер осиб қўйишди. Ўйин олдидан улар Ройс шарафига трибунада 11-рақамли футболкани ҳам тасвирлаб беришди.
Ройс Дортмунд учун Бундеслигадаги сўнгги ўйинини ўтказди - унинг шартномаси ёзда тугайди. Ярим ҳимоячи ҳали Чемпионлар лигаси финалида иштирок этиши мумкин – немис клуби 1 июнь куни “Реал” билан учрашади.
