"Арсенал" яримҳимоячиси Тео Уолкот август ойи охирларида жамоанинг умумий гуруҳи билан бирга машғулотдарга киришади, бу ҳақда жамоа устози Арсен Венгер маълум қилган.
Футболчи январь ойида тиззасидан жароҳат олган эди.
"Унинг тикланиш жараёни бизни хурсанд қилмоқда. У ёз бўйи жуда кўп меҳнат қилди. Биз унинг август ойи охирларидан умумий гуруҳга қўшилишини кутяпмиз. Ҳамма гап унинг керакли жисмоний ҳолатга қачон қайтишида. Бу жуда тез содир бўлиши мумкин, бунга етарли асос бор. Унинг ҳозирги меҳнатига қараб шундай фикрга келдим", - дейди Арсен Венгер.
