"Челси" бош мураббийи Жозе Моуриньонинг фикрича, "Арсенал" "Барселона"дан Сеск Фабрегасини қайтариб ололмас эди. Шунингдек, португалиялик мутахассис лондонликларнинг ёзги трансфер сиёсати ҳақида фикрларини билдирди.

Ёзда футболчи "кўклар" сафига ўтди, Моуриньонинг фикрича уни бунга кўндириш жуда осон кечди.

"Мен у билан 20 дақиқа гаплашдим. Ўйлашимча у "Челси"га ўтишни хоҳлаган эди. Биласиз, "Арсенал" ҳам унга харидор эди. Аммо у бунга тайёр эмас эди.  Фабрегас бизнинг сафимизга ўтишни истади. Шунинг учун уни жамоамизга олиб келиш бизга осон кечди.

Ёзги харидлар ҳақида гапирсак - биз фантастик ишларни бажардик. Бу сотиб олган ўйинчиларимизнинг номлар ва улар билан қисқа муддатда келиша олганмизда намоён бўлмоқда.

Трансфер бозори 31 август куни ёпилади, биз эса 19 июль куни ёпиб бўлдик. Биз ўз мақсадларимизни билар эдик ва уларга етдик", - дейди Моуриньо.