"Реал" клуби икки суткада колумбиялик ҳужумчи Хамес Родригеснинг таништирув маросимидан сўнг унинг номи ёзилган 345 минг дона футболкасини сотди.

Икки кун аввал "Сантьяго Бернабеу"да ўтган таништирув маросимига 45 минг ишқибоз ташриф буюрган эди.

Таъкидлаш лозим, "Реал" янги футболчининг баҳоси 60 фунт бўлган футболкасидан ҳар соатда ўртача 7187 донадан сотмоқда. Умумий ҳисобда бу савдодан клуб 20,7 миллион фунт фойда кўрди, ея хабар беради The Telegraph.

Хамес Родригес бу борада Криштиану Роналдуга етиб олиши мумкин.  "Реал"даги фаолияти давомида Роналдунинг миллиондан ортиқ футболкаси сотилган.

Эслатиб ўтамиз, Родригес билан 6 йиллик шартнома имзоланган. Унинг трансфер суммаси 80 миллион еврони ташкил қилган. Футболчининг йиллик маоши йилига 7 миллион еврони ташкил этиши маълум қилинган.

Шуниндек, Родригес 6 та голи билан ЖЧ-2014 мусобақасининг энг яхши тўпурари бўлган эди.