“Қизилқум” – “Бунёдкор” учрашувидан кейинги матбуот анжуманида биринчи бўлиб “қалдирғочлар” устози иштирок этди.
- Жуда қийин ва оғир ўйин бўлди. Асабий ўйинда ғалаба қозондик. Футболчиларимиз сўнгги дақиқаларгача ғалабага ишонишди ва якунда ўз мақсадимизга эришдик. Таркибга секин-аста ёшларни жалб қилаётганимиз бизни тўғри йўлдан бораётганимизни англатиб турибди. Ёшлар бизни келажагимиз. “Қизилқум” иккинчи даврага анча пухта ҳозирлик кўрганини сезиш қийин эмасди. Улар ҳали қолган турларда етакчиларга бош оғриқ бўлишса керак. Узоқ танаффусдан сўнг илк расмий ўйинимизни ўтказдик. Шунинг учун ҳам ўйин жуда оғир бўлди, - дейди Сергей Иванович.