Норвегиянинг Тромсё шаҳрида Бутунжаҳон шахмат олимпиадаси бошланди. Эътиборлиси, дунёнинг юздан зиёд давлати вакиллари иштирокида ўтаётган мусобақани мамлакатимиз вакиллари ғалаба билан бошладилар.

Жумладан, биринчи турда Гондурас терма жамоасига қарши дона сурган Ўзбекистон аёллар терма жамоаси йирик 4:0 ҳисобида зафар қучди. Иккинчи турда вакилларимиз Латвия терма жамоаси билан куч синашиб, 2:2 ҳисобида дуранг натижани қайд этдилар. Бугун аёллар терма жамоамиз сербиялик шахмат усталари билан куч синашадилар.

Аёллар терма жамоамиздан фарқли равишда эркаклар терма жамоаси дастлабки икки турда зафар қучдилар. Биринчи турда, Кипр интелектуалларидан 3,5:0,5 ҳисобида устун келган ҳамюртларимиз, иккинчи турда Дания терма жамоасини 2,5:1,5 ҳисобида мағлуб этишди. Бугун терма жамоамиз Бразилия термасига қарши дона суради.