Африкада эбола эпидемияси тарқалганига қарамай, клублар ўртасидаги жаҳон чемпинати 10 дан 20 декабргача Марокашда бўлиб ўтади, дея хабар беради ФИФА расмий сайти.
"ФИФА учун футболчиларнинг, мухлисларнинг ва мусобақа расмий кишиларининг соғлиги муҳим ҳисобланади. Бутунжаҳон соғлиқни сақлаш ташкилотига кўра, Марокашда эбола билан боғлиқ воқеалар қайд этилмаган. Шунинг учун мусобақанинг ўтказиш жойини ўзгартириш шарт эмас", - дейилади хабарда.
Эбола касаллиги 2014 йил Гвинеяда тарқалган, кейинроқ қўшни Сьерра-Леоне ҳамда Либерияга ҳам кўчган эди. БССТ га кўра шу пайтгача 2473 киши ушбу касалик билан оғрган бўлиб, улардан 1350 киши вафот этган. Бу касаликка қарши вакцина ҳам, дари дамон ҳам йўқ.