Ўзбекистонлик курашчи Баҳром Илҳомов ўсмирлар ўртасидаги олимпия ўйинларининг чемпионига айланди.

Юнон-рум курашининг 50 кг. гача бўлган вазн тоифасида иштирок этган ватандошимиз финалда озарбойжонлик Жаббор Нажафов устидан ғалаба қозонди. Биринчи бўлимда ҳамюртимиз 6-3 ҳисоби билан ғолиб чиққан бўлса, иккинчи 2 дақиқалик 2-0 ҳисобида озар курашчисининг устунлиги билан ўтди. Якуний ҳисоб - 6-5. Баҳс қайдномасига ушбу ҳисоб 3-1 кўринишига акс эттирилди.

Илҳом Баҳромов ўз вазн тоифасида “В” гуруҳида баҳсларга киришди ва беллашувнинг барчасида зафар қучиб, ўз гуруҳида биринчи ўринни эгаллади. Ҳамюртимиз Жазоир (4-0), Бразилия (4-0), Маршал ороллари (4-0)дан келган спортчиларни мағлуб этганди.

Натижада Ўзбекистон делегацияси ҳисобидаги олтин медаллар сони 3тага етди. Бундан ташқари ҳисобимизда 2та кумуш ва 3та бронза медаллари ҳам бор.