"Челси" ҳужумчиси Фернадо Торреснинг "Милан"га ижарага берилиши борасидаги музокаралар тўхтатилиши мумкин.
Испан футболчиси Лондон клубида йилига 9 миллион фунт ишлаб топади, италияликлар эса унга 7 миллиондан ошиқ тўламоқчи эмаслар, дея хабар беради The Telegraph.
"Челси" футболчининг "Милан"даги ижара даврида маошининг қолган қисмини тўламоқчи эмас, шу сабабли музокаралар тўхтатилиши мумкин.
Эслатиб ўтамиз, "Милан" Торресдан ташқари Константинос Митроглу ("Фулҳэм"), Фабио Борини ("Ливерпуль") ва Роберто Сольдадо ("Тоттенҳэм")га қизиқмоқда.













