Аргентиналик ҳужумчи Анхель Ди Мариянинг отаси фикрича, унинг ўғлини "Реал"да ҳеч қачон қадрлашмаган.
"Реал"да Анхелнинг меҳнатларини ҳеч қачон қадрламаганлар. Уни жамоа сафида кўришни истамаган эканлар, нега уни сотиб олишди? Бунинг устига унинг жойига доим янги футболчиларни сотиб олишган, худди Гарет Бэйл сингари.
Анхель раҳбарлардан ҳеч қачон пул тиланмаган. Ҳатто унга ваъда берилган пулларни ҳам беришмаган. У "Реал"га ўтганида бошқача ваъда беришган, кейин эса бунинг ярмини беришган.
Энди менинг ўғлим "МЮ"да бахтиёр, чунки улар "Реал"га қараганда анча яхши шартлар таклиф қилганлар. Мадридликлар исталган вақтда ўйиннинг боришини ўзгартириб юборадиган муҳим ўйинчисидан айрилдилар", - дея футболчининг отаси сўзларини келтиради Marca.