Ёзда "Манчестер Юнайтед" "Челси"нинг 23 ёшли ярим ҳимоячиси Коул Палмерни сотиб олишни режалаштирмоқда. Бу ҳақда "TEAMtalk" нашри хабар бермоқда.

Манбаларнинг қайд этишича, "аристократлар" бош мураббийи Лиам Росеньор футболчи жамоада бахтли экани ва ҳеч қаерга кетмоқчи эмаслиги ҳақида оммавий баёнотлар берганига қарамай, Палмер манкунианликлар учун устувор мақсад бўлиб қолмоқда. Инсайдерларнинг таъкидлашича, Палмер "Олд Траффорд"га ўтишга очиқ. Бироқ, "Челси" ўйинчи учун камида 150 миллион фунт талаб қилади.

Палмер "Челси"га "Манчестер Сити"дан ўтган эди. Жорий мавсумда ярим ҳимоячи 17 та ўйинда майдонга тушиб, 8 та гол урди ва 2 та голли узатмани амалга оширди.