Ўзбекистон U-16 ўсмирлар терма жамоаси бош мураббийи Александр Мочинов бошчилигидаги мураббийлар штаби, ОЧ «С» гуруҳи ўйинлари бўлиб ўтадиган «Muangtong» стадионини кўздан кечиришди.

Банкокдан 50 км узоқликда бўлган мазкур стадион Осиё Чемпионати ўйинларини қабул қиладиган икки стадиондан бири ҳисобланади. Таиланд Прпемьер-Лигаси вакили «Muangtong United» клубининг уй стадиони ҳисобланган мазкур ўйингоҳ 15 минг кишига мўлжалланган.

Мазкур стадионда U-16 ўсмирлар ўртасидаги Осиё Чемпионати «A» ва «С» гуруҳларидаги барча ўйинлар ўтказилади.

Таъкидлаш жоиз, Ўзбекистон U-16 ўсмирлар терма жамоаси гуруҳ босқичи учрашувларининг барчасини мазкур стадионда ўтказади. Александр Мочинов бош мураббийлигидаги Ўзбекистон U-16 ўсмирлар терма жамоаси гуруҳ босқичида Непал, КХДР ва Кувайт ўсмирлар терма жамоаларига қарши ўйнайди. Ўзбекистон U-16 ўсмирлари гуруҳ босқичидаги илк ўйинини 7 сентябрь куни Непал ўсмирлар терма жамоасига қарши ўтказади.

Маълумот ўрнида, U-16 ўсмирлар ўртасидаги ОЧ баҳсларига 6 сентябрь куни старт берилади. Мусобақани 6 сентябрь куни Жанубий Корея ва Уммон ўсмирлар терма жамоалари ўзаоо ўйин билан бошлаб беришади.