Испания чемпионатида "Атлетико"га қарши учрашувдан сўнг (1:2) "Реал" футболчилари Гарет Бэйл, Тони Кроос ва Рафаэль Варан бир тўп мухлисларнинг ҳақоратига дуч келдилар.
Мухлисларнинг кўпчилиги учун футболчиларнинг дастхати ва улар билан суратга тушиш керак эди. Аммо баъзи мухлислар Кроос ва Варанни ҳақорат қила кетдилар. Ҳақоратнинг каттаси мухлисларнинг олдида тўхтамай, тезда машинага ўтириб жўнаб кетган Гарет Бэйлга аталди.
Эслатиб ўтамиз, "матрасчилар" билан ўйинда мухлислар Икер Касильяс ва Карим Бенземага ҳуштакбозлик қилишган эди.













