Россиялик футболчи Денис Черишев "Реал"ни тарк этганини эслади. Футболчининг сўзларига кўра, "қаймоқранглилар"нинг ўша пайтдаги бош мураббийи Зинедин Зидан уни сақлаб қолмоқчи бўлган. Ҳатто россиялик футболчига вақти-вақти билан аниқ майдонга тушиши кафолатланганди.
Аммо Черишев барибир "Реал"дан кетишга қарор қилди. У ҳозир бундай вазиятда бошқача қарор қабул қилган бўлишини тан олди.
"Кетишга қарор қилдим. Ўшанда биз Зидан билан ҳозир сен билан ўтирганимдек ўтиргандик ва у шундай деди: 'Мен сенга кўп ўйин вақтини таъминлай олмайман, лекин ваъда бераманки, сен майдонга тушасан. Менга кераксан, қолавер', деди. Мен кетдим.
Аҳмоқман, шундайми? Ҳозир вазиятни билган ҳолда бошқача қарор қабул қилган бўлардим. Афсусланмайман, чунки бу ҳам тажриба, лекин ҳозирги бошим билан бошқача қарор қабул қилган бўлардим", - деди Черишев.
