Rossiyalik futbolchi Denis Cherishev "Real"ni tark etganini esladi. Futbolchining so‘zlariga ko‘ra, "qaymoqranglilar"ning o‘sha paytdagi bosh murabbiyi Zinedin Zidan uni saqlab qolmoqchi bo‘lgan. Hatto rossiyalik futbolchiga vaqti-vaqti bilan aniq maydonga tushishi kafolatlangandi.
Ammo Cherishev baribir "Real"dan ketishga qaror qildi. U hozir bunday vaziyatda boshqacha qaror qabul qilgan bo‘lishini tan oldi.
"Ketishga qaror qildim. O‘shanda biz Zidan bilan hozir sen bilan o‘tirganimdek o‘tirgandik va u shunday dedi: 'Men senga ko‘p o‘yin vaqtini ta’minlay olmayman, lekin va’da beramanki, sen maydonga tushasan. Menga keraksan, qolaver', dedi. Men ketdim.
Ahmoqman, shundaymi? Hozir vaziyatni bilgan holda boshqacha qaror qabul qilgan bo‘lardim. Afsuslanmayman, chunki bu ham tajriba, lekin hozirgi boshim bilan boshqacha qaror qabul qilgan bo‘lardim", - dedi Cherishev.
