Сўнгги кунларда яримҳимоячи Витиньяни "Реал" билан боғлашмоқда. Мадридликлар майдон марказида янги ўйинчи қидиришаётгани, буни бугунги жамоанинг заиф нуқтаси сифатида кўришаётгани айтилмоқда.
The Touchline нашрининг ёзишича, "Реал"да ўйнаш ғояси Витиньяга жуда ёқмоқда. Ҳозирда португалиялик "ПСЖ"да бахтли, аммо у "Реал"ни жаҳон футболининг чўққиси деб билади. Агар "қаймоқранглилар" қизиқиш билдирса, унда Витинья трансферга рози бўлади.
Амалдаги шартнома Витиньяни "ПСЖ" билан 2029 йилнинг ярмигача боғлаб туради. Нуфузли Transfermarkt портали мутахассислари 25 ёшли футболчини 110 миллион еврога баҳоламоқда.
Бу мавсумда Витинья 32 та ўйинда майдонга тушиб, олтита гол урди ва ўнта голли узатмани амалга оширди.
