So‘nggi kunlarda yarimhimoyachi Vitinyani "Real" bilan bog‘lashmoqda. Madridliklar maydon markazida yangi o‘yinchi qidirishayotgani, buni bugungi jamoaning zaif nuqtasi sifatida ko‘rishayotgani aytilmoqda.
The Touchline nashrining yozishicha, "Real"da o‘ynash g‘oyasi Vitinyaga juda yoqmoqda. Hozirda portugaliyalik "PSJ"da baxtli, ammo u "Real"ni jahon futbolining cho‘qqisi deb biladi. Agar "qaymoqranglilar" qiziqish bildirsa, unda Vitinya transferga rozi bo‘ladi.
Amaldagi shartnoma Vitinyani "PSJ" bilan 2029 yilning yarmigacha bog‘lab turadi. Nufuzli Transfermarkt portali mutaxassislari 25 yoshli futbolchini 110 million yevroga baholamoqda.
Bu mavsumda Vitinya 32 ta o‘yinda maydonga tushib, oltita gol urdi va o‘nta golli uzatmani amalga oshirdi.
